專為希望了解婚禮化妝行業、
建立副業技能與實戰信心的你而設。
課程以輕量實戰為核心，
透過小班互動教學，
帶你學會如何在短時間內完成精緻、
耐看的妝髮造型。
妝容針對婚禮姊妹、伴娘及宴會場合的實際需求，
讓你掌握「快速完成、仍然完美」的技巧。
完成課程後，
你將具備接 freelance 副業單的能力，
同時拍攝屬於你的第一份作品集，
為日後進入新娘化妝領域奠定專業基礎。
專業姊妹妝髮班
Bridesmaid Hair & Makeup Class
課程內容
Course Content
基礎妝容與實戰技巧（3堂）
課程內容涵蓋底妝、眼妝、修容及假睫毛應用，
教授如何為不同膚質與臉型設計自然、乾淨又具精神感的妝容。
無論是婚宴賓客、伴娘，或輕婚紗造型，
都能在有限時間內完成高質效果的妝容。
髮型基礎與萬用造型
從電棒快速打底到造型固定，
學習三款最受歡迎且實用的婚禮姊妹髮型：
丸子頭、半紮造型、簡潔低馬尾。
課堂中會示範如何根據臉型與服裝作造型配搭，
並理解「妝髮一致性」對整體完成度的重要性。
接單及定價方法/專屬作品拍攝
課程設有即場拍攝環節，
讓你學會如何在鏡頭下呈現自然又高級的妝髮效果。
完成後你將擁有第一個屬於自己的作品集（Portfolio），
為接 job 或建立個人品牌提供最有力的起點。
小班制教學・個別指導
全程小班制（最多 4 人），確保每位學員可獲得個別化指導。
導師會根據你的手法與學習進度提供實戰建議，
幫助你快速掌握重點技巧，縮短學習曲線。
延伸發展・進階方向
課程預留了清晰的進階方向，
讓你可以銜接《新娘妝髮班》，
由「完成造型」提升至「設計與掌控整體婚禮妝髮」。
姊妹班舊生報讀新娘班，
可享 HK$10,000 學費減免（只限舊生適用）。
這並不是兩個獨立課程，
而是一條逐步建立能力與工作的路徑。
講師
資深化妝師
KaKa Cheung
大家好！
我是從事婚禮化妝已經10年的專業化妝師，非常高興今天能夠在這裡與大家分享我的經歷和熱情。 在這十年裡，我專注於修飾輪廓、打造乾淨妝面及塑造黃金比例髮型。
我始終相信，化妝不僅僅是外表的修飾，更是自信和美麗由內而外的展現。
每位曾經接受我服務的新娘，總是對我能夠快速判別適合她們的風格感到驚喜。
在日常工作中，總是能夠輕易就營造一種輕鬆自在的氛圍，而能和客人像好友自然舒服地相處，也令我特別享受作為化妝師的時刻。 回想起最初的我，僅僅是一個懷抱化妝夢想的小女生，從未想過能為超過千位新娘產生強大的幸福連結。我從一開始就不斷學習專業知識，並積極從實踐中提升自己。
隨著時間，經驗和美感的不斷累積，我得到越來越多信任我的客戶，逐漸建立起自己的新娘化妝事業，過上了我夢想中的生活。 我堅信，優秀的化妝師不僅是展現自己的技術，更是通過化妝這個媒介，傳遞希望和祝福給新人。
無論你是想成為專業的新娘化妝師，還是希望增添一份副業收入，我都期待你的加入！
讓我們一起在這條美麗的道路上成長、學習，並共同創造更多美好的瞬間！
最新課程
Most recent course
HK$15,800/人
（二人同行優惠 HK$12,800）
課程設舊生優惠，請DM查詢
時間
【平日班】5月8，15，22，29日（1900-2200）
6月 5，12 日（1900-2200）
【週六班】6月 6，13，20 日（1400-1700）
7月 4，11，18 日（1400-1700）
*歡迎包班或商議其他時間，請以WhatsApp聯絡
課程時長
共 6 堂｜每堂約 3 小時
教學形式
理論-示範-實操-作品拍攝
地點
香港荔枝角青山道688-690號嘉 名工廠大廈A座7樓
適合對象
-
對化妝有熱誠、希望開展副業收入
-
曾學過個人化妝，想提升實戰技巧
-
想了解新娘化妝行業是否適合自己
-
希望建立屬於自己的妝髮作品，逐步開始接觸Freelance工作
FAQ
常見問題
Q
我係零基礎，適合報讀嗎？
適合！呢個課程本身就係由基礎開始設計，會由工具認識、妝前準備、底妝、眼妝眉型，到姊妹髮型一步一步教起。 但我想做嘅唔止係比你「學下化妝」，而係希望你由零開始，都可以慢慢建立到一套真實可以應用、之後有機會發展成接 job 能力嘅姊妹妝髮基礎。只要你願意學，其實都可以跟到。
Q
如果我之前已經學過，仲適唔適合？
都適合呀。因為學過本身一定係好事，亦可以幫你吸收唔同老師、唔同做法，再慢慢整理成自己嘅能力。 不過每個老師教嘅風格、手勢、流程同工作模式都唔同。而我呢個課程比較著重嘅，係一套更貼近婚禮現場、更有效率、亦更有機會應用到工作上嘅方法。 所以就算之前學過，未必代表而家用緊嘅方式，就最適合姊妹妝髮實戰。如果你願意重新整理，去吸收另一套更接近工作層面嘅 system，其實會幾有幫助。
Q
呢個課程適合邊類人？
呢個課程比較適合以下幾類人： 想由零開始學一門實用技能的人 想發展兼職 / 斜槓收入的人 想試下入行化妝髮型的人 DSE 畢業，未好清楚方向，但想先學一門可以慢慢發展的技能的人 想由興趣慢慢走向接 job 的人 想重新整理妝髮技巧，令自己更接近工作水平的人 如果你想學完之後唔只停留喺興趣，而係希望之後有機會應用到工作上，呢個方向會幾適合。
Q
呢個課程同一般興趣班有咩分別？
最大分別係，呢個課程唔係以「學識化一個妝、整一個頭」為終點。 我更想做嘅，係幫學生建立一套更實際、更貼近婚禮／宴會現場需要嘅姊妹妝髮能力。所以除咗妝髮技巧之外，課程亦會講到工作上常見嘅妝髮方向、接單概念、客人溝通方式、定價基本思維，以及實戰節奏同完成度要求。 簡單講，呢個班唔只係興趣向，而係會再向前一步，幫你睇見「學完之後可以點樣用」。
Q
6 堂課會學到咩程度？
6 堂課會集中教你姊妹妝髮最核心、最常用、亦最有機會應用到工作上嘅內容。 完成課程後，你會具備： 基本姊妹妝髮能力 對婚禮／宴會常見妝髮方向有初步掌握 基本接 job 概念 第一個作品集起步 我唔會講到好誇張，話 6 堂上完就一定變成好成熟嘅化妝師。但如果你願意課後練習，呢個課程會幫你建立一個可以繼續向工作方向發展嘅好起點。
Q
學完之後，真係可以接 job 嗎？
課程方向係以可應用、可實戰為主，所以學完之後，學生會比一般純興趣學習更清楚知道自己可以點樣開始。 例如可以由姊妹妝、親友妝、宴會妝、較簡單嘅姊妹髮型呢類型 job 開始，慢慢累積經驗同作品。 當然，接 job 除咗上堂，之後都需要練習、累積手感同經驗。但呢個課程會幫你打好一個更接近工作層面嘅基礎，而唔只係停留喺「識少少」。
Q
課程會唔會教埋接 job／定價／客人溝通？
會呀。因為我覺得如果想學生之後真係有機會行到工作層面，只教技巧其實唔夠。 所以課程入面都會講到：接單模式、同客人基本溝通方式、常見 Q&A、定價思維，以及行業基本規則。希望學生唔止學識做妝髮，仲會對之後如果想開始接 job，有一個更清晰概念。
Q
如果我想做兼職／freelance，呢個課程啱唔啱？
幾啱方向。因為呢個課程本身就係朝住實用、可發展、副業可能性去設計。 尤其如果你而家未必想即刻轉行，但想為自己多建立一門技能，希望之後有機會慢慢變成收入來源，姊妹妝髮其實會係一個幾適合開始嘅位置。
Q
我平時唔係好識化妝，甚至都冇乜幫人化過，會唔會跟唔上？
唔使太擔心。因為課程會由基礎一步一步教起，唔會假設你一開始已經識好多。 最重要反而係你願唔願意練習，同埋願唔願意慢慢建立一套新嘅手勢同思維。好多時妝髮唔係一開始識得幾多，而係你肯唔肯一步一步練到穩。
Q
如果我本身都想之後有機會加入團隊方向發展，呢個課程會適合嗎？
會適合。因為我自己對呢個課程嘅其中一個想法，都係希望慢慢建立一套屬於我自己團隊方向嘅做法、節奏同完成度。 所以課程除咗技巧，都會比較著重妝感方向、做事模式、工作節奏，以及婚禮現場需要嘅穩定度同效率。 如果你之後都想向團隊合作、實戰工作方向發展，咁呢種學習方式會更有幫助。
Q
上堂會有作品拍攝嗎？
有。第六堂會有考核 + 造型拍攝，學生需要自備 model。 對想之後接 job 嘅人嚟講，作品集好重要。所以我希望學生完成課程後，唔止學完就算，而係可以開始有一個屬於自己嘅作品起步。
Q
之後如果想再進一步，有冇進修方向？
有呀。課程之後亦設有媽咪級妝髮精華班，比想再擴展服務範圍嘅學生進一步學習。 因為婚禮入面除咗姊妹，媽咪妝髮都係一個好實際嘅需求。如果之後想增加自己可服務嘅對象，呢個會係一個幾好嘅延伸方向。
